Como buscar un título no catálogo galego de GaliciaLe para realizar o préstamo
Hai varias formas de localizar unha obra no catálogo galego:
- A través do buscador que aparece na páxina inicial. Para comprobar se existe unha obra, abonda con introducir as palabras máis significativas do título ou do nome do autor, materia etc. Tamén podes realizar procuras avanzadas premendo sobre o enlace “Procura Avanzada”. Podes crear a túa propia estratexia de procura a partir de múltiples parámetros para establecer sentenzas de consulta do catálogo.
- Por medio das reproducións das cubertas das obras que aparecen na páxina web e que che permiten identificalas facilmente a través da súa imaxe. As imaxes están organizadas en carruseis nos que atoparás unha selección de obras recomendadas, destacadas, os títulos máis prestados e/ou as últimas novidades do catálogo.
- Mediante a clasificación pola temática ou materia das obras que aparece na parte esquerda da páxina web.
Unha vez localizado o título que che interesa, podes proceder ao préstamo.
Inicio de sesión
Para poder retirar unha obra en préstamo, é necesario que inicies a túa sesión. Tes dous xeitos de facer isto:
- Unha vez que localices a obra que che interesa, debes premer sobre a súa imaxe. Se está dispoñible, preme na icona “Prestar”. Nese momento, abrirase unha pantalla para que te identifiques co teu número de usuario e o teu contrasinal.
- Na parte superior dereita da túa pantalla podes premer en “Entrar” e, do mesmo xeito que no caso anterior, abrirase unha pantalla para que te identifiques co teu número de usuario e o teu contrasinal.
Unha vez que esteas dentro da túa sesión persoal, dispós da sección “Perfil” na que podes ver os teus libros e películas en préstamo e as túas obras favoritas, etiquetas e procuras gardadas:
Favoritos: Xestión dos títulos favoritos, coa posibilidade de crear distintos grupos e clasificacións para a súa administración.
Copias prestadas: Libros e películas en préstamo actualmente. Terás acceso ás opcións de lectura dispoñibles (mediante descarga ou en liña) e de visionado (en liña), así como á información sobre a duración do préstamo ou á devolución anticipada (esta última opción só está dispoñible para a lectura e visionado en liña. En caso de que descargases o libro nun dispositivo, poderás devolvelo a través de Adobe Digital Editions (ADE)).
Perfil: Contén información básica relativa aos teus datos.
As miñas procuras: Xestión de consultas gardadas para que recuperes doadamente os contidos daquelas procuras que desexes conservar.
Como realizar o préstamo
Unha vez localices no catálogo unha obra do teu interese, preme sobre o título para acceder á súa ficha. Nela inclúese información máis extensa sobre a temática (materias e resumo), así como sobre o formato e opcións de lectura. Para tomar o título en préstamo, preme no botón "Emprestar" que atoparás a man dereita.
Normas de préstamo
- Préstamo:
Podes ter en préstamo:
- Libros electrónicos: 3
- Películas: 2
- Audiolibros: 2
- Revistas: 2
O período de préstamo é:
- Libros electrónicos: 21 días
- Películas: 48 horas
- Audiolibros: 21 días
- Revistas: 72 horas
O tipo de obras ás que podes acceder dependerá da categoría á que pertenzas (infantil ou adulto). Os usuarios infantís non poden coller en préstamo títulos cunha calificación de 14 anos ou superior, en tanto que os lectores adultos poden acceder ás obras destinadas a calquera público
- Renovación:
O catálogo do libro electrónico galego de GaliciaLe non permite a renovación dos préstamos
- Devolución:
Unha vez finalizado o periodo de préstamo, o documento deixará de estar dispoñible nos teus dispositivos. Os documentos prestados pódense devolver antes da data prevista do seguinte xeito:
- No caso de lectura, audición ou visionado en liña: premer no botón "Devolver".
- No caso de descarga dun libro ou revista en Adobe Didital Editions (ADE):
- Ir ao apartado "A miña biblioteca" de ADE
- Premer co botón dereito do rato sobre a imaxe do libro que queiras devolver
- Seleccionar a opción "Devolver elemento prestado"