Preguntas frecuentes
Dúbidas xerais
- Ao acceder co meu usuario e contrasinal aparece a mensaxe "O usuario e/ou contrasinal non son válidos"
- Esquecín o meu número de usuario
- Esquecín o meu contrasinal
- Quero modificar o meu contrasinal
- Terminei de ler un libro antes da data, pero non podo devolvelo
Dúbidas sobre Adobe Digital Editions
- Non sei como configurar Adobe Digital Editions e Adobe ID
- Que significa “autorizar” e “desautorizar” equipos e dispositivos?
- Non encontro o arquivo do libro electrónico tras descargalo
- Aparece unha mensaxe de erro ao intentar abrir un libro electrónico descargado
- Adobe Digital Editions non recoñece o meu e-reader
- Teño problemas co ID de Adobe, inicio de sesión e conta
:: Dúbidas xerais
Ao acceder coa miña clave e contrasinal aparece a mensaxe "O usuario e/ou contrasinal non son válidos"
Deberás comprobar que introduciches correctamente o teu usuario e contrasinal. En caso de dúbida, revisa a mensaxe que recibiches coas túas claves.
Esquecín o meu número de usuario
Se estás en posesión do DNI, o teu número de usuario correspóndese cos díxitos deste (non se inclúe a letra). Se non tes DNI, debes consultar o número de usuario que che xerou o sistema e que recibiches na mensaxe de benvida cando realizaches a alta. Se non conservas esa mensaxe, debes dirixirte á biblioteca para que poidan consultar o teu número de usuario na base de datos de lectores.
Esquecín o meu contrasinal
Poderás recuperar o teu contrasinal en https://rexistro.galiciale.gal/cgi-bin/account-remember.pl introducindo o teu número de usuario de GaliciaLe. Se estás en posesión do DNI, debes introducir este sen a letra final.
Se non tes DNI, é necesario que escribas o número de usuario que recibiches na mensaxe de benvida a GaliciaLe. Se non lembras o teu número de usuario nin conservas este correo de benvida, debes dirixirte á túa biblioteca.
Quero modificar o meu contrasinal
Podes cambiar o teu contrasinal en https://rexistro.galiciale.gal/cgi-bin/account-remember.pl introducindo o teu número de usuario de GaliciaLe. Se estás en posesión do DNI, debes introducir este sen a letra final.
Se non tes DNI, é preciso que escribas o número de usuario que recibiches no correo de benvida a GaliciaLe. Se non lembras o teu número de usuario nin conservas este correo de benvida, debes dirixirte a túa biblioteca.
Rematei de ler un libro antes da data, pero non podo devolvelo
Se descargaches o ficheiro en Adobe Digital Editions (ADE) mediante a opción de descarga do catálogo galego, poderás devolvelo antes da data prevista do seguinte xeito:
- Vai ao apartado “A miña biblioteca” de ADE
- Preme co botón dereito do rato sobre a imaxe do libro que queiras devolver
- Selecciona a opción “Devolver elemento prestado”
:: Dúbidas sobre Adobe Digital Editions
Ademais de nesta sección, no Manual de usuario atoparás información detallada para realizar a instalación de Adobe Digital Editions, a obtención da conta ID de Adobe e a transferencia dos libros electrónicos aos dispositivos de lectura. Así mesmo, podes consultar o Contacto con el servicio de asistencia al cliente de Adobe Digital Editions para obter axuda.
Non sei como configurar Adobe Digital Editions e Adobe ID
Para acceder aos libros electrónicos descargados no teu ordenador persoal deberás ter unha conta Adobe ID e a aplicación Adobe Digital Editions.
- Adobe Digital Editions é unha aplicación gratuíta que permite ler e transferir libros electrónicos protexidos con Adobe DRM.
- Conta Adobe ID: Adobe ID é a túa identificación para facer uso de productos de Adobe como Adobe Digital Editions. Cando creas unha conta de Adobe ID tes que introducir un enderezo de correo electrónico e un contrasinal. Ambos os dous serven para identificarte por iso é importante que os lembres.
Obter unha conta Adobe ID
Se aínda non dispós dunha conta Adobe ID, poderás obter unha no sitio web de Adobe:
- Visita o sitio web de Adobe: https://www.adobe.com/cfusion/membership/?loc=es_es
- Preme o botón "Creación de una cuenta de Adobe"
- Cubre os campos (os campos marcados con asterisco son obrigatorios):
- No campo Correo electrónico introduce unha conta de correo electrónico que utilices habitualmente.
- Ao rematar, o sistema mostrará unha páxina de confirmación.
- Cando completes estes pasos con éxito, obterás unha conta Adobe ID cos datos seguintes:
- Adobe ID: o enderezo de correo electrónico que indicases ao rexistrarte no sitio web de Adobe.
- Contrasinal: o contrasinal que especificases ao rexistrarte no sitio web de Adobe.
A cláusula 1.2 (Idoneidade) das "Condicións de uso" dos produtos Adobe, establece que para empregar os seus servizos o usuario debe ter máis de 13 años de idade. Se te equivocas ao marcar a data de nacemento e indicas que eres menor desa idade, Adobe bloqueará o teu acceso durante 24 horas. Transcurridas esas horas, poderás acceder de novo sen problema e crear a túa conta Adobe ID. Se non tes máis de 13 años, será preciso que unha persoa maior desa idade se cree unha cuenta Adobe ID no teu lugar e autorice os teus equipos.
Descargar e instalar a aplicación gratuíta Adobe Digital Editions
- Visita o sitio web de descargas de Adobe Digital Editions: http://www.adobe.com/es/products/digital-editions/download.html
Nel poderás descargar a versión 4.0 ou 3.0 de Adobe Digital Editions. Calquera das dúas é compatible pero recomendamos a primeira porque permite “autorizar” e “desautorizar” equipos facilmente.
- Preme na ligazón de descarga (Windows ou Mac).
- Unha vez finalizada a descarga, preme sobre o arquivo ADE_4.0_Installer.exe (ou ADE_3.0_Installer.exe se elixiches esta outra versión) descargado para instalalo.
- Despois de ler e aceptar os termos de uso da aplicación, preme o botón "Siguiente".
- Selecciona opcións de instalación e preme o botón "Siguiente".
- Selecciona o directorio de instalación e preme o botón "Instalar".
- Unha vez completada a instalación, mostrarase o botón "Cerrar".
- Cando completes estes pasos con éxito, terás instalado no teu equipo a aplicación gratuíta Adobe Digital Editions.
Autorizar un equipo
É necesario que o ordenador persoal quede asociado á túa conta Adobe ID para que Adobe Digital Editions che permita acceder aos libros electrónicos do catálogo galego de GaliciaLe.
Estes pasos unicamente son necesarios a primeira vez que autorizas un equipo para unha conta Adobe ID:
- Inicia a aplicación Adobe Digital Editions.
- Abrirase a ventá principal da aplicación.
- No menú superior, selecciona a opción Ayuda/Autorizar equipo.
- Cubre os campos seguintes:
- No campo “Proveedor” selecciona "Adobe ID" (opción por defecto).
- No campo "ID de Adobe" introduce o enderezo de correo electrónico co que te rexistraches en Adobe.
- No campo "Contraseña" indica o contrasinal que desexes.
- Ao premer o botón "Autorizar", Adobe Digital Editions conectarase brevemente a internet para comprobar os teus datos.
- Se os datos son correctos, Adobe Digital Editions mostrará unha mensaxe de confirmación na que indicará a conta Adobe ID á que quedou vinculado o equipo.
Tras completar estes pasos con éxito, terás o teu ordenador persoal autorizado para a túa conta Adobe ID y poderás abrir neste equipo os libros electrónicos que teñas en préstamo no catálogo galego de GaliciaLe para esta conta Adobe ID.
Autorizar o dispositivo
Para transferir libros electrónicos a outros dispositivos compatibles con Adobe DRM, debes autorizar estes dispositivos para o teu Adobe ID a través de Adobe Digital Editions.
Estes pasos unicamente son necesarios a primeira vez que autorizas un dispositivo para unha conta Adobe ID.
- Inicia a aplicación Adobe Digital Editions.
- Conecta o dispositivo ao ordenador persoal. Para iso utiliza o cable e as instrucións de conexión subministradas polo fabricante do dispositivo.
- Se o dispositivo é compatible con Adobe DRM, Adobe Digital Editions detectarao automaticamente e mostrarao no apartado “Dispositivos” da ventá principal.
- Selecciona o dispositivo no menú “Dispositivos de Adobe Digital Editions”:
- No menú "Dispositivos" preme sobre "Opciones del dispositivo" e selecciona a opción "Autorizar dispositivo".
- Adobe Digital Editions mostrará unha ventá con información sobre a autorización.
- Ao premer o botón "Autorizar dispositivo", Adobe Digital Editions conectarase brevemente a internet para comprobar os teus datos e, se son correctos, mostrará unha mensaxe de confirmación na que indicará a conta Adobe ID á que quedou vinculado o dispositivo.
Ao completar estes pasos con éxito, podes transferir ao dispositivo os libros electrónicos que teñas en préstamo no catálogo galego de GaliciaLe para esta conta Adobe ID.
Que significa “autorizar” e “desautorizar” equipos e dispositivos?
- Para poder ler libros con DRM de Adobe precisas que o equipo ou dispositivo estea autorizado (é dicir, asociado á túa conta Adobe ID). Podes autorizar un total de 6. Tés a opción de desautorizalos, deste xeito, outra persoa cunha conta ID diferente poderá utilizar ese equipo ou dispositivo. Ten en conta que unha vez teñas alcanzadas as 6 autorizacións, e aínda que desautorices algún equipo ou dispositivo, no poderás seguir autorizando máis equipos o dispositivos.
- Para autorizar un equipo tes que entrar na opción “Axuda” de Adobe Digital Editions (ADE) e seleccionar “Autorizar equipo”. A continuación, introduce os teus datos (ID de Adobe e contrasinal cos que te rexistraches) e acepta. Ao premer o botón “Autorizar”, Adobe Digital Editions conectarase brevemente á Internet para comprobar os teus datos. Se estes son correctos, Adobe Digital Editions amosará unha mensaxe de confirmación indicando a conta Adobe ID á que quedou vinculado o equipo.
Se o que queres é autorizar un dispositivo, selecciona este no menú “Dispositivos” de Adobe Digital Editions. Pulsa sobre “Opcións do dispositivo” e selecciona a opción “Autorizar dispositivo”. Adobe Digital Editions amosará unha ventá con información sobre a autorización. Ao premer o botón “Autorizar dispositivo”, Adobe Digital Editions conectarase brevemente á Internet para comprobar os teus datos e, se son correctos, amosará unha mensaxe de confirmación indicando a conta Adobe ID á que quedou vinculado o dispositivo.
- Para desautorizar un equipo ou dispositivo podes ir a “Borrar autorización” se tes instalada a versión 4.0 de Adobe Digital Editions. Se a versión da que dispós é unha anterior, recomendámosche que instales a 4.0, se non, deberás seguir as seguintes indicacións:
Desautorizar un equipo:
- Abre Adobe Digital Editions (ADE) no ordenador.
- No teclado do ordenador preme simultaneamente as teclas:
Control + Shift + D
O equivalente a Shift nalgúns teclados e unha frecha apuntando cara a arriba. O D ten que ir sempre en maiúscula.
- Aparecerá unha pantalla coa mensaxe “Borrar autorización do equipo”.
- Preme sobre “Borrar autorización”.
Desautorizar un dispositivo:
- Apaga o dispositivo e desconéctao do ordenador.
- Pecha ADE no ordenador.
- Conecta o dispositivo ao ordenador.
- Acende o dispositivo.
- O dispositivo preguntarache se o queres conectar ao ordenador. Dille que si.
- Abre ADE no ordenador. No teclado do ordenador preme simultaneamente as teclas:
Control + Shift + E
O equivalente a Shift nalgúns ordenadores é unha frecha apuntando cara a arriba. O E ten que ir sempre en maiúscula.
- Aparecerá unha pantalla coa mensaxe “Borrar autorización do dispositivo”.
- Preme sobre “Borrar autorización”.
Non atopo o arquivo do libro electrónico tras descargalo
Ao descargar un libro desde catalogo.galiciale.gal, o sistema xera un arquivo URLLink.acsm que debe abrirse co programa Adobe Digital Editions.
Normalmente a apertura do arquivo en Adobe Digital Editions realízase de forma automática, pero dependendo da configuración do teu navegador e do teu sistema o arquivo poderá non abrirse automaticamente e quedar gardado na carpeta de descargas que teñas establecida no teu navegador.
Nestes casos para acceder ao arquivo existen varias opcións:
- Antes de descargar o arquivo, elixe a opción "Gardar como” en lugar da opción "Abrir". Deste modo, poderás elixir o lugar onde o navegador gardará o arquivo para posteriormente facer dobre clic sobre el.
- Se xa o descargaches, localiza o arquivo na carpeta de descargas que teñas establecida no teu navegador e fai dobre clic sobre el ou móveo a outro lugar que prefiras e fai dobre clic sobre el.
Aparece unha mensaxe de erro ao intentar abrir un libro electrónico descargado
Cando se descarga un libro desde catalogo.galiciale.gal, o sistema xera un arquivo URLLink.acsm que debe abrirse co programa Adobe Digital Editions.
Normalmente a apertura do arquivo en Adobe Digital Editions realízase de forma automática, pero en ocasións pode aparecer unha mensaxe de erro que indica que non é posible abrilo debido a que non é un tipo de arquivo admitido ou está danado.
Esta mensaxe móstrase cando Windows asocia por erro os arquivos acsm co programa Adobe Reader e trata de abrilos con el, en lugar de asocialos e abrilos co programa Adobe Digital Editions.
É posible modificar ese comportamento de forma permanente cambiando a aplicación coa que se abren por defecto os arquivos acsm no teu equipo. Para iso:
- Fai clic co botón dereito do rato sobre o arquivo URLLink.acsm.
- Selecciona a opción "Propiedades".
- Na pestana "General", preme sobre o botón "Cambiar" que aparece xunto a "Abrir con".
- Elixe "Adobe Digital Editions" ou ben indícalle a Windows mediante o botón "Examinar" en que carpeta está instalado Adobe Digital Editions no teu equipo (normalmente na situación C:\ProgramFiles\Adobe\Adobe Digital Editions 3.0).
Outra posibilidade, aínda que non ten un efecto permanente, é a seguinte:
- Inicia o programa Adobe Digital Editions.
- Localiza o arquivo URLLink.acsm que descargaches e arrástrao ata Adobe Digital Editions.
Adobe Digital Editions non recoñece o meu dispositivo
Os libros electrónicos que ofrece en préstamo o catálogo galego de GaliciaLe están protexidos polo sistema para a xestión de dereitos dixitais Adobe DRM, por iso é necesario que o dispositivo sexa compatible con ese sistema.
No caso de que Adobe Digital Editions non recoñeza o teu dispositivo, pode deberse ás seguintes causas:
1. O dispositivo non é compatible con Adobe DRM:
- Comproba na documentación do fabricante se o dispositivo é compatible con Adobe DRM.
- Nesta ligazón podes consultar unha lista de dispositivos compatibles con Adobe DRM.
- Se o teu dispositivo móbil non se atopa nesta lista, podes instalar as apps gratuítas Bluefire Reader ou Aldiko Book Reader que che permitirán ler libros electrónicos con DRM.
Para a instalación e uso destas apps podes consultar o Manual de usuario de Bluefire e Aldiko.
- Os dispositivos Kindle de Amazon non admiten libros electrónicos en formato Epub protexidos con Adobe DRM, agás o modelo Kindle Fire Tablet, no cal se poden ler unha vez instalada a aplicación de lectura correspondente.
2. O dispositivo é compatible con Adobe DRM, pero non é compatible co programa Adobe Digital Editions
Algúns fabricantes ofrecen programas ou métodos alternativos para algúns dos seus modelos:
- O modelo PRS-T1 de Sony utiliza o programa "Reader" de Sony en vez do programa Adobe Digital Editions.
- Os modelos PRS-T2 e PRS-T3 de Sony permiten introducir a información da súa conta Adobe ID no dispositivo, de modo que é posible descargar os libros directamente do catálogo galego de GaliciaLe desde o navegador do dispositivo.
3. O dispositivo é compatible con Adobe DRM e Adobe Digital Editions pero non se conectou correctamente ao ordenador persoal
- Sigue as instrucións do fabricante do dispositivo para conectalo correctamente ao ordenador persoal.
Teño problemas co ID de Adobe, inicio de sesión e conta
Se xa estás en posesión dunha conta de Adobe ID pero:
- Tes problemas para iniciar sesión ou esqueciches o teu contrasinal ou ID de Adobe.
- Desexas cambiar o teu contrasinal, enderezo electrónico ou información de conta.
Podes consultar os consellos da web de Adobe (Asistencia con problemas de ID de Adobe, inicio de sesión y cuenta).