Como se len os libros electrónicos

Unha vez collas en préstamo un libro electrónico, pódelo ler mediante descarga, en liña ou através dunha app. Os navegadores requeridos tanto para a lectura en liña a través dunnavegador web, como para facer a descarga son os seguintes:

• Mozilla Firefox: 10 ou superior
• Mozilla IceWeasel (Linux): 10 ou superior
• Google Chrome: 10 ou superior
• Opera: 15 ou superior
• Safari: 7 ou superior
• Internet Explorer: 10 ou superior

Na conta de usuario, cada libro dá a opción de lelo en liña ou descargalo. Para saber os pasos que debes seguir, podes continuar lendo esta sección ou consultar o Manual de usuario.

Lectura en liña mediante navegador web

A lectura en liña mediante navegador web está dispoñible para teléfonos móbiles, tabletas, lectores electrónicos, PCs, ordenadores portátiles ou calquera outro dispositivo con conexión á internet e navegador web.

A aplicación para este tipo de lectura adáptase ao tamaño da pantalla de cada dispositivo e posibilita modificar a interlinaxe, o tamaño e tipo de letra e o formato da páxina.

Lectura mediante apps en dispositivos móbiles

Para ler os libros electrónicos mediante unha app é preciso:

• Dispoñer dunha conta Adobe ID.
• En caso de que teñas un dispositivo Apple, que o sistema operativo sexa iOS 6 ou superior.
• En caso de que teñas un dispositivo Android, que o sistema operativo sexa Android 2.2 ou superior.
• Que teñas instalada unha app compatible con Adobe DRM:
  • Bluefire Reader: aplicación gratuíta dispoñible en Google Play Store para Android e en AppStore de Apple para iOS.
  • Aldiko Book Reader: aplicación gratuíta dispoñible en Google Play Store para Android.

Para a instalación e uso de ambas as dúas aplicacións, podes consultar o Manual de usuario de Bluefire e Aldiko.

Lectura de libros electrónicos mediante descarga

Podes seguir os seguintes pasos cando collas en préstamo un novo libro electrónico e o queiras descargar no ordenador persoal, xa sexa para lelo neste equipo ou para transferilo a outros dispositivos compatibles con Adobe DRM.

Descarga de libros electrónicos no ordenador persoal

Antes de descargar os libros electrónicos comproba:

• Que dispós dunha conta Adobe ID.
• Que a aplicación Adobe Digital Editions (ADE) está instalada no teu equipo.
• Que o teu equipo está autorizado en Adobe Digital Editions co teu Adobe ID.

En caso de que teñas algunha dúbida para a configuración de Adobe Digital Editions e Adobe ID, podes consultar o apartado "Non sei como configurar Adobe Digital Editions e Adobe ID" dentro da sección "Preguntas frecuentes" ou ben recorrer ao Manual de usuario.

Para descargar libros electrónicos tes que visitar o sitio web catalogo.galiciale.gal e identificarte cos teus datos de rexistro.

• Dentro de “A miña conta” pulsa no botón “Descargar”.
• Xerarase un arquivo con extensión ACSM que, ao abrilo, descargará automaticamente o libro electrónico en Adobe Digital Editions.
• O libro descargado aparecerá na ventá de Adobe Digital Editions.

Ao completar estes pasos con éxito, terás descargado o libro electrónico no teu ordenador persoal e estará listo para lelo neste equipo ou ben para transferilo a outros dispositivos compatibles con Adobe DRM.

Transferencia de libros electrónicos a outros dispositivos

Antes de transferir os libros electrónicos comproba:

• Que dispós dunha conta Adobe ID.
• Que o lector de libros electrónicos ou calquera outro dispositivo que elixas é compatible con Adobe DRM.
• Que o teu dispositivo está autorizado en Adobe Digital Editions co teu Adobe ID.

Debes seguir estes pasos cando tomes en préstamo un novo libro electrónico, o teñas descargado no ordenador persoal e desexes transferilo a outros dispositivos compatibles con Adobe DRM.

• Conexión do dispositivo
  • Inicia a aplicación Adobe Digital Editions.
  • Conecta o dispositivo ao ordenador persoal usando o cable e seguindo as instrucións de conexión subministradas polo fabricante do dispositivo.
  • Adobe Digital Editions detectará automaticamente o dispositivo e amosarao no apartado “Dispositivos” da ventá principal.
• Transferencia do libro electrónico:
  • Selecciona co rato o libro electrónico que desexes transferir e arrástrao ao dispositivo.
  • Ao completar estes pasos con éxito, terás transferido o libro electrónico desde o ordenador persoal a un dispositivo no que estará dispoñible para a lectura.
• Desconexión do dispositivo:
  • Desconecta o dispositivo de forma segura.
  • Para facelo, utiliza as instrucións de desconexión subministradas polo fabricante do dispositivo.